பாகிஸ்தான் பிரிமியர் லீக் போட்டிகளில் பங்கேற்க இந்திய வீரர்களுக்கு அழைப்பு...

பாகிஸ்தானில் பாகிஸ்தான் பிறீமியர் கிரிக்கெட் லீக் போட்டிகள் நடைபெற உள்ளன. இந்த போட்டிகளில் பங்கேற்க இந்திய வீரர்களுக்கு அழைப்பு விடுக்கப்படும் என பாகிஸ்தான் கிரிக்கெட் சபை அறிவித்துள்ளது.

இதுகுறித்து கருத்து தெரிவித்த பாகிஸ்தான் கிரிக்கெட் சபையின் தலைவர் ஷாகா அஷ்ரப் கூறுகையில், இப்போட்டிகளில் பங்கேற்க இந்திய வீரர்கள் விரும்புகிறார்களோ இல்லையோ, அவ்வீரர்களுக்கு அழைப்பு விடுக்கப்படும் என்று தெரிவித்தார்.

என்னைப் பொறுத்தவரை இந்தியா- பாகிஸ்தான் ஆகிய நாடுகளுக்கிடையிலான கிரிக்கெட் உறவுகளை மேம்படுத்த வேண்டும் என்றும், அதற்கான முயற்சிகளை தான் மேற்கொள்ள உள்ளதாகவும் தெரிவித்தார்.

இந்தியாவின் 20- 20 போட்டி தொடரான இந்தியாவின் பிரிமியர் லீக் தொடரை அடுத்து, பல நாடுகள் இதே போன்று போட்டிகளை நடத்த முயற்சிகள் எடுத்து வருகின்றன.

ஏற்கனவே அவுஸ்திரேலியக் கிரிக்கெட் சபை தங்கள் வழமையான பிக்பாஷ் தொடரை விடுத்து பிக்பாஷ் லீக் என்ற பெயரில் தொடரை ஏற்பாடு செய்திருந்தது.

இலங்கைக் கிரிக்கெட் சபை எதிர்வரும் ஓகஸ்ட்டில் ஸ்ரீலங்கா பிறீமியர் லீக் தொடரை நடத்த ஏற்பாடு செய்துள்ளது குறிப்பிடத்தக்கது.