ரோமில் இடம்பெற்ற வெசாக் நிகழ்வில் ஜனாதிபதி பங்கேற்பு...

ரோமுக்கு விஜயம் செய்திருந்த இலங்கை ஜனாதிபதி மஹிந்த ராஜபக்ச, நேற்று அங்கு ஏற்பாடு செய்யப்பட்டிருந்த வெசாக் நிகழ்வில் பங்கேற்றார்.

ஐக்கிய நாடுகளின் உணவு மற்றும் விவசாய அமைப்பினால் இந்த நிகழ்வு ஏற்பாடு செய்யப்பட்டிருந்தது. இந்நிகழ்வுக்கு அமைப்பின் பணிப்பாளர் ஜோஸ் கிரேசினோ தலைமை வகித்தார்.

இதில் ரோமில் உள்ள தலைமை பௌத்த பிக்கு மொல்லிகொட தீராநந்த தேரர் உட்பட்ட பௌத்த சமூகத்தினர் பங்கேற்றனர். இந்தநிகழ்வு ஜனாதிபதி மகிந்த, நாடாளுமன்றத்துக்கு பிரவேசித்த 42ஆவது வருடத்தை குறிக்கும் வகையில் ஏற்பாடு செய்யப்பட்டிருந்தது.

இதனையடுத்து ஜனாதிபதியின் குழுவினருக்கும் ஐக்கிய நாடுகளின் உணவு மற்றும் விவசாய மைய பணிப்பாளர் குழுவினருக்கும் இடையில் சந்திப்பு ஒன்றும் இடம்பெற்றது.