யாழில் அத்துமீறிய குடியேற்றம் தொடர்பில் விசேட கலந்துரையாடல்...

யாழ்ப்பாண மாநகர சபை மற்றும் யாழ்ப்பாண பிரதேச செயலாளர் பிரிவுகளுக்குட்பட்ட பகுதிகளில் அத்துமீறிய குடியமர்வுகள் மற்றும் அரச, தனியார் வெற்றுக் காணிகள்
தொடர்பாக ஆராயும் விஷேட கூட்டமொன்று நேற்று இடம்பெற்றது.

பாரம்பரிய கைத்தொழில் மற்றும் சிறு தொழில் முயற்சி அபிவிருத்தி அமைச்சர் டக்ளஸ் தேவானந்தா தலைமையில் குறித்த சந்திப்பு இடம்பெற்றதாக தெரிவிக்கப்பட்டுள்ளது.

இதன்போது, குறித்த நெருக்கடிகள் தொடர்பாக ஆராயப்பட்டதுடன், அது தொடர்பான ஆவணங்களை திரட்டுமாறு அமைச்சர், தமது அதிகாரிகளுக்கு பணிப்புரை விடுத்துள்ளார். இது தொடர்பான பிறிதொரு கலந்துரையாடல் இடம்பெறும் எனவும் அவர் தெரிவித்தார்.

யாழ்ப்பாணம் நல்லூர் கோப்பாய் மற்றும் தெல்லிப்பழை பகுதிகளில் அரச காணிகளை ராணுவ படைத்தள அமைப்பிற்கு கையகப்படுத்தும் முயற்சி வடமாகாண ஆளுநர் ஜி.ஏ.சந்திரசிறியினால் ஆரம்பிக்கப்பட்டுள்ள நிலையில் இந்த விடயம் தொடர்பாக கூடிய கவனம் செலுத்தப்பட்டுள்ளது.