153 பயணிகளுடன் விமானம் தரையில் வீழ்ந்தது...

153 பயணிகளுடன் வானில் பறந்து கொண்டிருந்த விமானம், நைஜீரியாவின் லாகோஸ் நகரில் இன்று விபத்துக்குள்ளானது.

டனா ஏர் நிறுவனத்திற்குச் சொந்தமான இந்த விமானம், விமான நிலையத்திற்கு அருகில் மின்சார கம்பி ஒன்றில் மோதியபின் இரு மாடிகளைக் கொண்ட கட்டிடம் ஒன்றின் மீது மோதியதாக தகவல் வெளியாகி உள்ளது.

அபுஜா நகருக்கும், லாகோஸ் நகருக்கும் இடையில் பயணித்த விமானமே விபத்துக்குள்ளாகியுள்ளது.

விபத்து குறித்து நைஜீரிய சிவில் விமான போக்குவரத்து அதிகார சபையின் தலைவர் ஹரோல்ட் டெனூரன் கூறுகையில், விமானத்திலிருந்து எவரும் உயிர் தப்பியிருப்பார்கள் என தான் நம்பவில்லை என்று தெரிவித்தார்.