இன்று 66வது பிறந்தநாள் கொண்டாடும் எஸ்.பி.பி...

இன்று தனது 66வது பிறந்தநாளைக் கொண்டாடும் பிரபல பாடகர் எஸ்.பி. பாலசுப்ரமணியத்திற்கு திரையுலகினரும், ரசிகர்களும் வாழ்த்து தெரிவித்து வருகின்றனர்

தென்னிந்திய திரையுலகம் இருக்கும் வரை பாடகர் எஸ்.பி. பாலசுப்பிரமணியத்தின் தேனிசை குரலும், புகழும் நிலைத்து நிற்கும் என்பதில் சந்தேகமே இல்லை.

இன்று பிறந்தநாள் கொண்டாடும் எஸ்.பி. பாலசுப்பிரமணியத்திற்கு திரையுலக பிரபலங்களும், ரசிகர்களும் வாழ்த்து தெரிவித்த வண்ணம் உள்ளனர்.

சமூக வலைதளங்களான ஃபேஸ்புக், டுவிட்டரிலும் வாழ்த்துக்கள் வந்து குவிந்து வருகின்றன.

தமிழ், தெலுங்கு, மலையாளம், இந்தி, கன்னடம் உட்பட பல்வேறு மொழிகளில் இதுவரை 40,000க்கும் அதிகமான பாடல்களை எஸ்.பி. பாலசுப்ரமணியம் பாடியுள்ளார்.

உலகில் உள்ள பாடகர்களில் அதிக அளவிலான பாடல்களை பாடிய பாடகர் என்ற பெருமை எஸ்.பி.பி.யையே சேரும்.

பாடகர் மட்டுமல்லாது கொலிவுட்டில் திருடா திருடா, நாணயம் போன்ற படங்களில் குறிப்பிடத்தக்க கதாப்பாத்திரத்தில் நடித்துள்ளார்.