சதநாயகன் சச்சின் எம்.பி யாக பதவியேற்றார்- (வீடியோ இணைப்பு)...

பார்லிமென்ட் ராஜ்யசபா உறுப்பினராக, பிரபல இந்திய கிரிக்கெட் அணியின் நட்சத்திர வீரர் சச்சின் டெண்டுல்கர் இன்று பதவியேற்றார்.

கடந்த ஏப்ரல் 27ம் திகதியன்று பாராளுமன்ற ராஜ்யசபா எம்.பி.க்களாக கிரிக்கெட் வீரர் சச்சின், பாலிவுட் நடிக‌ை ரேகா ஆகியோர் காங்கிரஸ் சார்பில் நியமிக்கப்பட்டனர்.

இதில் நடிகை ரேகா முன்னதாக பதவியேற்று பார்லிமென்ட் கூட்டத்தில் கலந்து கொண்டார்.

ஆனால், சச்சின் டெண்டுல்கர் ஐ.பி.எல். கிரிக்கெட் போட்டிகளில் மும்பை இண்டியன்ஸ் அணிக்காக விளையாடி கொண்டிருந்ததால், அவர் பதவியேற்க முடியவில்லை.

இந்நிலையில் இன்று டெல்லி பாராளுமன்றம் வந்த சச்சின் டெண்டுல்கர், ராஜிவ்சுக்லாவை சந்தித்து பேசினார். பின்னர் ராஜ்யசபா எம்.பியாக பதவியேற்றார்.

இந்திய கிரிக்கெட் அணியில் இருந்து ஒய்வு பெற்ற முன்னாள் வீரர்கள் தான் இதுவரை பார்லிமென்டின் ‌லோக்சபா எம்.பி.க்களாக உள்ளனர்.

ஆனால் இந்திய கிரிக்கெட் அணியில் இன்னும் இடம் பெற்று தொடர்ந்து விளையாடி வரும் சச்சின் டெண்டுல்கர், முதன்முறையாக ராஜ்யசபா எம்.பி.யாக பொறுப்பேற்றுள்ளார் என்பது குறிப்பிடத்தக்கது.