ஊடகத்தினருக்காக திரையிடப்பட்ட 'தடையறத் தாக்க' படம்...

கொலிவுட்டில் ஃபீதர் டச் எண்டர்டெயின்மென்ட் 'தடையறத் தாக்க' படத்தை தயாரித்துள்ளது.
அருண்விஜய் நாயகனாக நடித்துள்ள இப்படம் சென்னை ஃபிரேம்ஸ் திரையரங்கில் ஊடகத்தினருக்காக திரையிடப்பட்டது.

முன்தினம் பார்த்தேனே படத்தை இயக்கிய மகிழ் திருமேனி இப்படத்தை இயக்கியுள்ளார். இதில் அருண் விஜய்யுடன் மம்தா மோகன்தாஸ் ஜோடி சேர்ந்துள்ளார்.

பிஸ்னஸ் மேன் அருண் விஜய் தன் காதலி மம்தாவை கை பிடிக்கும் முயற்சியில் இறங்குகிறார்.

சிட்டியை கலக்கும் பயங்கர தாதாக்களுடன் நாயகன் அருண்விஜய் மோதுகிறார். கொடூரமான முறையில் தாதாக்கள் சிலர் பலியாகிறார்கள். தாதா சாவுக்கு காரணமானவர்களை தேடிப்பிடித்து கொன்று பழி தீர்க்க வெறியோடு தாதா கும்பல் அலைகிறது.

அருண் விஜய் தான் தாதாவை கொன்றிருப்பார் என்று அவரை தீர்த்துக்கட்ட வில்லன்கள் துடிக்கிறார்கள். மேககாந்தி, வம்சி கிருஷ்ணன் இருவரும் பயங்கர தாதாக்களாக நடித்துள்ளார்கள்.

பிரச்சினையை தீர்த்து காதலி மம்தாவை நாயகன் அருண்விஜய் கைபிடிக்கிறாரா என்பதை சஸ்பென்ஸ்-ஆக்ஸன் த்ரில்லர் படமாக கொடுத்துள்ளார் இயக்குனர் மகிழ் திருமேனி.

முன்பாதியில் தமன் இசையில் வரும் “கேளாமலே..” மெலடி பாடல் ரசிகர்கள் மனதை வருடும். குத்தாட்டழகிகளோடு அருண் விஜய் ஆடும் 'பூந்தமல்லிதான்..' முன் வரிசை ரசிகர்களை ஆட வைக்கும்.