ஹிம்மத்வாலாவில் நடிக்க போட்டியிடும் அனுஷ்கா, தமன்னா...

பாலிவுட்டில் வெளியாகி சூப்பர் ஹிட்டான “ஹிம்மத்வாலா”வின் ரீமேக்கில் நடிக்க அனுஷ்காவும், தமன்னாவும் போட்டியிடுவதாக தகவல்கள் வெளியாகியுள்ளன.
தென்னிந்திய படங்களில் நடித்து நட்சத்திர நாயகியாக ஜொலித்த ஸ்ரீதேவிக்கு பாலிவுட்டில் பெரிய பெயர் வாங்கிக் கொடுத்த படம் ஹிம்மத் வாலா.

கடந்த 1983ல் வெளிவந்த இந்த படத்தில் இந்தி நடிகர் ஜிதேந்திராவுக்கு ஜோடியாக ஸ்ரீதேவி நடித்தார். அன்று முதல் பல ஆண்டுகள் பாலிவுட்டிலும் மங்காத நட்சத்திரமாக ஜொலித்தார் ஸ்ரீதேவி.

தற்போது அந்த ஹிம்மத்வாலா படத்தை இயக்குனர் சஜீத் கான் ரீமேக் செய்கிறார்.

இந்த படத்தில் அஜய் தேவ்கன், ஜிதேந்திரா கதாபாத்திரத்தில் நடிக்கிறார். இதில் கத்ரீனா கைப், அனுஷ்கா சர்மா அல்லது தீபிகா படுகோன் ஆகிய மூவரில் யாரையாவது நடிக்க வைக்க சஜீத் திட்டமிட்டுள்ளார்.

இதற்கிடையே ஸ்ரீதேவி கதாபாத்திரத்தில் நடிக்க அனுஷ்கா ஷெட்டியும், தமன்னாவும் சஜீத் கானுக்கு மின்னஞ்சல் மூலமாக தூதுவிட்டுக் கொண்டிருப்பதாக தகவல்கள் வெளியாகியுள்ளன.