ஆனந்துக்கு பாராட்டு விழா கோலகலமாக நடைபெற்றது...

ஐந்தாவது முறையாகவும் உலக செஸ் சாம்பியன் பட்டம் வென்ற விஸ்வநாதன் ஆனந்த் இந்தியா திரும்பியுள்ளார்.

அவருக்கு சென்னை வானூர்தி நிலையத்தில் பலத்த வரவேற்பு அளிக்கப்பட்டுள்ளது. இதனையடுத்து அவருக்கு சென்னையில் பாராட்டு விழாவும் நடைபெற்றது.

ரஷ்யாவில் நடைபெற்ற உலக செஸ் சாம்பியன்ஷிப் போட்டியில் இந்தியாவின் விஸ்வநாதன் ஆனந்த் கடும் போராட்டத்துக்கு பின்பு இஸ்ரேல் வீரர் போரிஸ் ஜெல்பாண்ட்டை வீழ்த்தி சாம்பியன் பட்டம் பெற்றார்.

இந்த சாம்பியன் பட்டம் ஆனந்த் பெற்றுள்ள 5வது சாம்பியன் பட்டம் ஆகும்.

சென்னை பாராட்டு விழாவில் கலந்து கொண்டு உரையாற்றிய ஆனந்த், மீண்டும் செஸ் துறையில் உலக சாம்பியன் ஆனதில் பெருமகிழ்ச்சியடைவதாக குறிப்பிட்டார்.

டைபிரேக்கில் போரிஸ் கெல்பேண்டை வெல்வது சற்று கடினமானதாக இருந்தது. இருப்பினும் போராடி வெற்றிபெற்றது மகிழ்ச்சியளிப்பதாகவும் தெரிவித்தார்.