சகுனி இசை வெளியீடு...

கார்த்தி-நாயகி ப்ரணிதா இருவரும் இணைந்து நடித்த 'சகுனி' படத்தை புதுமுக இயக்குனர் ஷங்கர் தயாள் இயக்கியுள்ளார்.
படத்தின் 'போஸ்ட்-புரடக்சன்' வேலைகள் வேகமாக நடந்து வருகிறது. விரைவில் கார்த்தியின் 'சகுனி' படத்தின் ரிலீஸ் திகதியை வெளியிடுகிறார்கள்.

படத்தை ட்ரீம் வாரியர் பிக்சர்ஸ் தயாரித்துள்ளது. இப்படத்தின் இசைவெளியீட்டு விழா சென்னை சத்யம் சினிமாஸில் நடைபெற்றது.

சகுனி படத்தின் இசைகுறுந்தகடை இயக்குனர் லிங்குசாமி வெளியிட, சூர்யா பெற்றுக்கொண்டார். ஜி.வி.பிரகாஷ் இசையில் பாடல்களை அண்ணாமலை, நா.முத்துக்குமார், விவேகா, பரமு, இயக்குனர் ஷங்கர் தயாள் ஆகியோர் எழுதியுள்ளார்கள்.

விழாவில் சகுனி பட நாயகன் கார்த்தி,' இந்தப்படத்தில் புத்திசாலித்தனமான நாயகன் வேடத்தில் நடித்துள்ளேன்.

இயக்குனர் ஷங்கர் தயாள் என்னிடம் கதையை சொன்ன போது நான் நிறைய சிரித்தேன். படத்தில் பழிவாங்கல், பிளாஸ்பேக் எல்லாம் இருக்கிறது. கதையை நகைச்சுவையாக நகர்த்தியிருப்பார்.

நான், சந்தானம், நாயகி ப்ரணிதா முறையே கமல், ரஜினி, ஸ்ரீதேவி பெயர்களில் படத்தில் உலாவருவோம். முதல் பாதி காமெடி, கலகலப்பாக செல்லும். அரசியல் பின்னணியில் இரண்டாம் பாதியில் கதை விறுவிறுப்பாக நகரும்.

படம் முழுக்க பலவித கதாப்பாத்திரங்களில் நான் நடித்திருப்பேன். நகைச்சுவை வசனங்கள் அனைவரையும் சிரிக்க வைக்கும். மைண்ட் கேம் மூலமாக பிரச்சினையை தீர்க்கிற நாயகனாக வருகிறேன் என்று பேசினார்.

சூர்யா பேசும்போது, 'இப்படத்தை பிரபு தயாரித்திருப்பதை நினைத்தால் பெருமையாக இருக்கிறது. தெலுங்கில் கார்த்திக்கு நல்ல மார்க்கெட் உள்ளது. கமெர்சியல் ஹிட் படங்களுக்கு பிறகு கார்த்தி, புதுமுக இயக்குனரோடு இணைந்து படம் பண்ணியிருக்கிறார்.

இப்படம் நிச்சயம் வெற்றிபெறும். படகுழுவை மனதார பாராட்டுகிறேன் என்று பேசினார். சகுனி படம் வெற்றியடைய இசை வெளியீட்டு விழாவுக்கு வந்திருந்த தமிழ் திரையுலக பிரபலங்கள் வாழ்த்தியுள்ளார்கள்.