பி.எம்.டபுள்யூ கார் வாங்கினார் ஹன்சிகா...

கொலிவுட்டில் முன்னணி திரைநட்சத்திரங்கள் தங்களது சொகுசு பயணங்களுக்காக விலையுயர்ந்த ஆடம்பர கார்களை வாங்கி வருகின்றனர்.
இந்த வரிசையில் நாயகி ஹன்சிகா மோத்வானியும் சேர்ந்துள்ளார்.

எங்கேயும் காதல் படத்தில் அறிமுகமான ஹன்சிகா, வேலாயுதம், ஒரு கல் ஒரு கண்ணாடி என வெற்றிப் படங்களில் நடித்து முன்னணி நடிகையானார்.

தற்போது சேட்டை, வாலு, சிங்கம்-2, வேட்டை மன்னன் ஆகிய படங்களில் ஹன்சிகா நடித்து வருகிறார்.

நட்சத்திர நாயகர்களுடன் ஜோடி சேர்வதால் சம்பளத்தையும் உயர்த்திக் கொண்ட ஹன்சிகா, வெளிநாட்டு சொகுசு கார் ஒன்றை வாங்கியுள்ளார்.

இதுகுறித்து ஹன்சிகா கூறியதாவது, நான் சொகுசு கார் வாங்கியுள்ளேன். 20-வது வயதில் 'பி.எம்.டபுள்யூ' வெளிநாட்டு சொகுசு காருக்கு உரிமையாளராகி இருப்பது மகிழ்ச்சி அளிக்கிறது.

எனது தாய் மற்றும் சகோதரனை காரில் உட்கார வைத்து ஓட்டிச் சென்றேன். இது சந்தோஷமான அனுபவமாக இருந்தது. எனது அதிர்ஷ்ட எண்-9. அந்த நம்பரே காருக்கும் கிடைத்து உள்ளது என்றார்.

கடந்த சில வாரங்களுக்கு முன்பு இயக்குனர் ஷங்கர், ரூ.3 கோடி மதிப்புள்ள ரோல்ஸ் ராய்ஸ் கார் வாங்கினார் என்பது குறிப்பிடத்தக்கது.