தென்னிலங்கையில் இருந்து வந்த வாகனம் மோதி குடும்பஸ்தர் பலி: சாவகச்சேரியில் சம்பவம்...

தென்னிலங்கைச் சிற்றூர்தியும் துவிச்சக்கர வண்டி ஒன்றும் மோதிக் கொண்ட விபத்துச் சம்பவத்தில் குடும்பஸ்தர் ஒருவர் சம்பவ இடத்திலேயே பலியான சம்பவம் ஒன்று இன்று சாவகச்சேரிப் பகுதியில் இடம்பெற்றுள்ளது.

சாவகச்சேரி நகர்ப் பகுதியில் ஏ9 வீதியில் இடம்பெற்ற இவ்விபத்துச் சம்பவத்தில், சாவகச்சேரி சோலையம்மன் கோவிலடியைச் சேர்ந்த சரவணமுத்து பரமநாதன் (வயது 55) என்னும் குடும்பஸ்தரே உயிரிழந்தவர் ஆவர்.

சாவகச்சேரி நகர்ப் பகுதியில் இருந்து யாழ்ப்பாணம் நோக்கி வந்து கொண்டிருந்த குறித்த குடும்பஸ்தரை, அவர் பின்னால் மிக வேகமாக வந்து கொண்டு இருந்த தென்னிலங்கை பயணிகள் சிற்றூர்தி மோதி விபத்துக்குள்ளாக்கியுள்ளது.

இச்சம்பவத்தில் மேற்படிக் குடும்பஸ்தர் சம்பவ இடத்திலேயே உயிரிளந்துள்ளார். இவரது சடலம் சாவகச்சேரி ஆதார வைத்திய சாலையின் பிரேத அறையில் வைக்கப்பட்டுள்ளது.