யாழ்.மத்திய கல்லூரி ஆசிரியர் விபத்தில் பலி...

யாழ். காங்கேசன்துறை வீதியில் இன்று பகல் இடம் பெற்ற மோட்டார் சைக்கிள் விபத்தில் யாழ்ப்பாணம் மத்திய கல்லூரியின் ஆசிரியரான வீரசிங்கம் ஜெகதீஸ்வரன் (33 வயது) சம்பவ இடத்திலேயே உயிரிழந்துள்ளார்.

முன்னே சென்ற வாகனத்தை மோட்டார் சையிக்கிளில் வந்தவர் முந்திச் சென்று கடக்க முற்பட்ட வேளையில், எதிரே வந்த மோட்டார் சைக்களுடன் மோதுண்டதில் இந்த விபத்து இடம் பெற்றதாக தெரிவிக்கப்படுகிறது.

சம்பவம் இடம் பெற்ற இடத்திற்கு விரைந்த சுன்னாகம் பொலிசார் விசாரணைகளை மேற்கொண்டனர்.

இவ்விபத்தில் பலியான குறித்த ஆசிரியரின் சடலம் யாழ்ப்பாணம் போதனா வைத்தியசாலையில் பிரேத பரிசோதனைக்காக ஒப்படைக்கப்பட்டுள்ளதாக சுன்னாகம் பொலிஸார் தெரிவித்துள்ளனர்.